Ons geskiedenis begin met Jan van Riebeeck en met die bou van die fort –die kasteel De Goede Hoop.Pieter Moller skryf dat:“Gedurende die eerste paar jaar het die Kaap nie die nodige voedsel vir die skepe gelewer nie en daarom het Kommandeur Van Riebeeck besluit om Kampanjie-amptenare wat daarvoor te vinde was uit kampanjiediens vry te stel om voltyds te boer.Min het hy geweet dat dit die begin van die vestiging van n permanente Blanke bevolking in Suid-Afrika sou wees.Diegene wat volhard het en die moeilikhede en problem wat ondervind is, te bowe gekom het en by die nuwe lewe aangepas het, het met verloop van jare die permanente boerdery gedeelte van die Kaapse samelewing uitgemaak.Teen 1679 was daar al 87 Vryburgers in ons land en die tweede geslag was al so vasgewortel aan die grond dat hulle die land as hulle vaderland aanvaar het en vanselfsprekend nie die minste daarin belanggestel het om na die lande van hul ouers se herkoms terug te keer nie.Die ‘De Klerk’ stamvader Abraham de Clerq is gebore op 7 Mei 1670 in Nederland en op 12 Mei 1709 is hy getroud in Stellenboch met Madeleine Mouton.Abraham en Madeleine se seun Barend de Clerqis getroud met Engela Odendal en hulle seun is genoem Willem Abraham de Klerk. En so begin die bestaan van die De Klerks. Ek is bevooreg en trots om met n De Klerk te kon trou.Ek hoop julle geniet ons geskiedenis.
