Mojela tlaeka kwena, Monyasepana le ntlhana; sepana la ntloutlwana gara masepa a tletse. Motho wa bo Kgwadi atlhama re go bone ganong, ganong ga monna goa shiisa. Gwa mela thepe gwa mela mmonyane.
Ke motho wa bo Mabidikamo a bjang ba Segotlo. Ke motho wa bo Mojela Setlaeka Kwena.
Mojela ga a yo nyela o tsea dieta a rwala a shiiya go gata masepa a ditlogolwana.
Motho wa bo Leshoboro la pholo nkgokgo le tshabe go ya lepasheng. Motho wa bo Kgwadi ya bo Mmabolomo Seokamela dikgokolo, Matsobane a bo Moloi.
Motho wa bo Mokgadi wa Makomotwana, Makomotwana Monyatso Mokgadi.
GA bo Tlhantlhagane di thapile mahlong, metsi a kgele ka lephego nonyane.
Ke motho wa bo Seokomela dikgokolo.
Ke motho wa bo Lethari o eja o otiswa ke eng? Mathaka a otiswa ke bo rampulele- a -boshego ke tsene.
Ke motho wa khukhuna mokgotheng, mosadi ga a khukhune boshego.
Mosadi ga a khukhune boshego o tla bona bjang maswika.
Ke motho wa bo budulelang kea metsa, mogolo ga eja ga a bonwe...... Feleletsang Bakone.
